Neotektonika, siq dihet, studion strukturat më të reja, pasqyrimin e tyre në reliefin e sipërfaqës së
tokës dhe tipet e ndryshme të lëvizjeve tektonike e proceset dinamike që i kushtëzojnë ato.
Ajo studion si lëvizjet e reja tektonike ashtu edhe lëvizjet e sotme, që kanë prekur e prekin koren e
Tokës.
Në periudhën më të fundit gjeologjike (etapa neotektonike) territori i Kosovës është përfshirë nga
procese neotektonike, të cilat kanë kushtëzuar formimin e një numri njësish morfostrukturore me
tendencë mbizotëruese në ngritje si dhe në zhytje.
Ngjarjet e termeteve janë të lidhur me karakteristikat gjeologjike dhe neotektonike të një regjioni të
caktuar. Territori i Kosovës është i prerë nga struktura tektonike longitudinale dhe transverzale të cilat
ndajnë njësitë gjeotektonike.
Sipas të dhënave ekzistuese, sizmike, territori i Dukagjinit përfaqëson pjesën sizmotektonike me
aktive në territorin e Kosovës.
Veçmas mund të veçohen si me aktive shkëputjet (01, 02, 03, 06) të cilat janë mjaft të shprehura në
morfologji dhe kanë karakter regjional.
të realizuar deri tani , karakteristikat seismotektonik të Kosovës janë dhënë prej të dhënat të ofruara
nga statistikat sizmike.
Për përshkrimin e seismicitetit të Kosovës janë përdorur këto çështje (Elezaj, 2002):
1. Shkeputjet tektonike dhe aktiviteti i tyre sizmotektonik
2. Zonat e burimeve sizmike.
3. Kriteti gjeologjik i sizmicitetit të Kosovës .
Duhet të theksohet, se territoret me të rrezikshme sizmike janë të lidhura me nyje tektonike ku
kryqëzohen shkëputjet tektonike aktive të sistemeve me drejtim të ndryshëm shtrirjeje.
Të tilla janë nyjet tektonike në Pejë dhe Prizren, ku edhe janë gjeneruar dy termete të fuqishme
historike, perkatesisht tërmetet e viteve 1662 dhe 1456.
Aktiviteti historik sizmik
1. Tërmeti i Prizrenit, 16 Qershor 1456 (MS=6.0; 42.200oN, 20.700oE) me intensitet në epiqendër VIII ballë (Sulstarova et al., 2005),
2. Tërmeti i Pejës, 11 Nëntor 1662 (M=6.0; 42.700oN; 20.300oE) me intensitet në epiqendër VIII ballë (Sulstarova et al., 2005; Papazachos et al., 2000),
3. Tërmeti i Ferizajt, 26 Shkurt 1755 (M=6.1; 42.500oN; 21.900oE) me intensitet në epiqendër IX ballë (Elezaj, 2002),
4. Tërmeti i Ferizaj-Vitisë, 10 Gusht 1921 (M=6.1; 42.300oN; 21.300oE) me intensitet në epiqendër IX ballë (Elezaj, 2002),
5. Tërmeti i Kopaonikut, 18 Maj 1980 (M=5.7; 43.307oN; 20.867oE) me intensitet në epiqendër VIII ballë (Harvard University, 1980; Elezaj, 2002),
6. Tërmeti i Gjilanit, 24 Prill 2002 (M=5.7; 42.440°E, 21.590°N), me intensitet në epiqendër 8 ballë (ISC 2002, Elezaj 2002)
7. Tërmeti i Istogut, 10 Mars 2010 (M=5.2; 42.76344N; 20.62811E) me intensitet në epiqendër VII ballë (ISK Nazmi Hasi, Shemsi Mustafa),
8. Tërmeti , 11 Tetor 2010, me intensitet në epiqendër 4.5 ballë Rihter. Epiqendra 32 km në verperëndim të Kumanovës.
9. Tërmeti Vushtrri, 18 Nentor 2013, me intensitet në epiqendër 4.7 ballë Rihter. Epiqendra mes fshatrave Vesekofc e Bozhlan të komunës së Vushtrrisë.
10. Tërmeti Istog, Peje 21 Janar 2015, me intensitet në epiqendër 4.3 dhe 2.6 ballë Rihter.
11. Tërmeti , 05. Shkurt, 2015, me intensitet në epiqendër 4.0 ballë Rihter. Epiqendra 14 km larg Leposavicit.
Territori i Kosovës ka disa zona të fuqishme të burimeve sizmike, apo burime seismogjene.
Këto zona të burimeve sizmike në Kosovë kanë gjeneruar në të kaluaren dhe mund të gjenerojnë
edhe në të ardhmen tërmete të forta.
Varësisht nga qëllimi i hulumtimeve, duhet pasur parasysh këta parametra:
1. Magnituda e Termetit;
2. Intensiteti MSK-64 ose EMS-98;
3. Nxitimi maksimal i truallit.
Studimi i aktivitetit neotektonik të Kosovës është i lidhur ngusht me njohjen e strukturës së hershme
gjeologjike, për të zbuluar lidhjet në mes të lëvizjeve të hershme tektonike me lëvizjet neotektonike.
Karakteristikat Sizmike të Kosovës
Harta e strukturave tektonike të Kosovës
Zonat Sizmogjene
(1) Ferizaj – Viti – Kacanik (Mmax=6.2);
(2) Prishtina (Mmax=3.8);
(3) Skënderaj (Mmax=4.5);
(4) Pejë (Mmax=5.1);
(5) Gjakovë – Rahovec (Mmax=5.3); dhe,
(6) Prizren – Dragash (Mmax=6.1).
Harta Sizmotektonike e Kosovës
Modeli i burimeve sizmike
Seismotectonic Settings of Kosova-Z.Elezaj
No comments:
Post a Comment